10. ஒரு தலைவரின் வெற்றி

10. ஒரு தலைவரின் வெற்றி

(ஒரு குழுவில் உள்ள அனைவரின் வெற்றியே தலைவரின் வெற்றி என்பதை அறிய)

1. முழுமையான வெற்றி

தீமையை விட்டு விலகி நீதியைப் பின்பற்றுதல்:

சில சமயங்களில் ஒரு தனிமனிதர் வெற்றியாளராகக் காணப்படலாம், ஆனால் அவர் பலரின் துன்பம் அல்லது சுரண்டலின் மூலம் அவ்வெற்றியை பெற்றிருக்கலாம். ஒரு நல்ல தலைவர் சில நியாயமற்ற ஆதாயத்தினால் வெற்றியைப் பெறமாட்டார். ஒரு நல்ல தலைவர் எப்போதுமே தீமையிலிருந்து விலகி, சரியானதை பின்பற்ற வேண்டும், அது அவர்களுக்குத் தனிப்பட்ட முறையில் நன்மை தருகிறது என்பதைப் பொருட்படுத்தாமல், தீமையானது ஏதோ ஒரு கட்டத்தில் நிச்சயமாக யாரையாவது அல்லது எதையாவது பாதிக்கலாம் என்பதை கருத்தில் கொள்ள வேண்டும்.

பழி மற்றும் ஒழுக்கக்கேடு இல்லாமல் இருத்தல்:

பிறரிடமிருந்து பெறும் செய்திகளையோ அல்லது தகவலையோ நாம் அனைவரும் சரிபார்ப்பதில்லை என்பதால், ஒருவரைக் களங்கப்படுத்த ஏதுவான தவறான செய்திகளைப் பரப்புவது எளிது. ஒரு நல்ல தலைவர் குற்றமற்றவராகவும் ஒழுக்கமுள்ளவராகவும் இருப்பார், மற்றவர்களிடமிருந்து நல்ல பெயரைப் பெறுவதற்காக அல்ல, ஆனால் கபடற்று இருக்கவும், உண்மையுள்ளவராக இருக்கவும், பண்புகளை வளர்க்கவும் கவனமாக இருப்பார். பொய்யாகக் குற்றம் சாட்டப்படுவது தவிர்க்க முடியாதது, ஆனால் ஒரு நல்ல தலைவர் மீதான பழி நிரூபிக்கப்பட முடியாதது மற்றும் நம்பகத்தன்மையற்றது. ஒரு நல்ல தலைவர் தன் சுயத்தை இழிவுபடுத்துவதாக இருந்தாலும் எப்போதும் தவறுகளையும் உண்மைகளையும் ஏற்றுக்கொள்கிறார்.

வெளிப்படைத்தன்மையுடன் வெளிச்சத்தில் வாழுங்கள்:

ஒரு நபருக்கு எப்போதும் இருக்கக்கூடிய சிறந்த  வாழ்க்கை வெளிப்படைத்தன்மை நிறைந்த வாழ்க்கை. வெளிப்படைத்தன்மை இருக்கும்போது, உண்மை அங்கு இருக்கும் மற்றும் எண்ணங்களும், செயல்களும்  வார்த்தைகளும் பெரும்பாலும் சரியான மதிப்பீடுகள் மற்றும் நல்லொழுக்கங்களால் கட்டுப்படுத்தப்படுகின்றன. வாழ்க்கையில் சரியான மதிப்பீடுகளும் நற்பண்புகளும் இருந்தால், நிச்சயமாக வெளிப்படைத்தன்மை இருக்கும். ஒரு நல்ல தலைவர் தனது எண்ணங்கள், வார்த்தைகள் மற்றும் செயல்களில் எதையோ மறைத்து இருமாப்பாயிராமல் பகிர்ந்து கொள்கிறார்.

பயனுள்ளவராக இருப்பதற்காக எல்லாவற்றிலும் சிறந்து விளங்குதல்:

ஒவ்வொருவருக்கும் வெவ்வேறு திறன்களும் ஆர்வங்களும் உள்ளன. பல்கலைக் கழகத்தில் எல்லோராலும் முதல் மதிப்பெண் பெற முடியாது மற்றும் தடகளத்தில் எல்லோராலும் முதலிடம் பெற முடியாது. ஒரு நல்ல தலைவர் சில துறைகளில் அல்லது ஏதோவொன்றில் நிபுணர் அல்ல, ஆனால் ஒரு நல்ல தலைவர் மற்றவர்களுக்குக் பயனுள்ளதையும், சுய ஊக்கமளிக்கும்  ஒன்றையும் நோக்கித் தன் சிறந்த திறமைகளையும் அறிவையும் அளிக்கிறார்.

சுய பொறுப்புணர்வுடன் பொறுப்பாக இருங்கள்:

நாம் தலைமைப் பொறுப்பை ஏற்கும்போது நிறைய பணிகள் இருக்கும். ஒரு நல்ல தலைவர் சில பணியை எடுப்பது பற்றி நிறைய யோசிப்பார், ஆனால் சில பணியை எடுக்கும்போது அந்தப் பணியைத் தானாகவோ அல்லது பிறரோ செய்து முடிக்க வேண்டும் என்பதை உறுதி செய்வார். ஒரு நல்ல தலைவர், கொடுக்கப்பட்ட அல்லது எடுத்த பொறுப்புகளை நிறைவேற்றத் தவறினால் யாராவது கேள்வி கேட்பார்கள் என்று பயப்படுவதில்லை, ஆனால் சுய பொறுப்பு உள்ளது.

சுய பொறுப்புணர்வுடன் பொறுப்பாக இருங்கள்:

நாம் தலைமைப் பொறுப்பை ஏற்கும்போது நிறைய பணிகள் இருக்கும். ஒரு நல்ல தலைவர் சில பணியை எடுப்பது பற்றி நிறைய யோசிப்பார், ஆனால் சில பணியை எடுத்த பிறகு அந்தப் பணியைத் தானோ அல்லது பிறரோ செய்து முடிக்க வேண்டும் என்பதை உறுதி செய்வார். ஒரு நல்ல தலைவர், கொடுக்கப்பட்ட அல்லது எடுத்த பொறுப்புகளை நிறைவேற்றத் தவறினால் யாராவது கேள்வி கேட்பார்கள் என்று பயப்படுவதில்லை, ஆனால் சுய பொறுப்பு கொண்டிருக்கிறார்.

செயல்பாடு:

மகிழ்ச்சி மற்றும் அமைதியை வெளிப்படுத்தும் சில படங்கள் தேர்ந்தெடுக்கப்படலாம். ஒவ்வொரு படமும் 5-8 துண்டுகளாகத் துண்டிக்கப்பட வேண்டும், மொத்த பங்கேற்பாளர்களின் எண்ணிக்கை, உருவாக்கக்கூடிய குழுக்களின் எண்ணிக்கை ஆகியவற்றின் படி. துண்டுகள் கலக்கப்பட்டு ஒவ்வொரு பங்கேற்பாளருக்கும் வழங்கப்பட வேண்டும். பங்கேற்பாளர்கள் அதை யாருக்கும் கொடுக்கவோ அல்லது ஒருவரோடொருவர் பரிமாற்றவோ கூடாது. குழுவை உருவாக்குவதற்கும் படத்தை முழுமையாக்கவும் வெட்டப்பட்ட துண்டுகளை அவர்கள் சரியாகப் பொருத்த வேண்டும், மேலும் குழு உருவாகிய பிறகு, படத்திலிருந்து வெற்றிக் குறித்து ஒரு கதையை உருவாக்கலாம்.

 

2. மகிழ்ச்சி மற்றும் அமைதி

ஒப்படைக்கப்பட்ட விஷயங்களை நிறைவு செய்தல்:

நம்மால் எடுக்கப்பட்ட அல்லது நமக்குக் கொடுக்கப்பட்ட சில பணியை முடிப்பது நாம் ஒவ்வொருவருக்கும் இருக்க வேண்டிய நல்ல குணம். இது நம் நம்பிக்கையை வளர்க்கவும், பொறுப்பாக இருக்கவும் சுயத்தை மேம்படுத்துகிறது. ஒரு நல்ல தலைவர் சிரமங்கள், சவால்கள் மற்றும் முன்னுரிமைகள் ஆகியவற்றை தாண்டி நம்பி கொடுக்கப்பட்டதை முடிக்க எப்பொழுதும் கடினமாக முயற்சி செய்வார். இது மகத்தான திருப்தியை அளிக்கும், மேலும் உணர்வுகளிலும் சிந்தனைகளிலும் மகிழ்ச்சியையும் அமைதியையும் வழங்கும்.

கட்டாயத்தினால் இல்லாமல் சுதந்திரமாக இருத்தல்:

ஒவ்வொருவருக்கும் ஏதாவது பழக்கம் அல்லது ஏதாவது காரியம் நம்மைச் சாதாரணமாகவோ, ஏற்றுக்கொள்ளப்படக்கூடியவர்களாகவோ, சமூகமாகவோ இருக்க அனுமதிப்பதில்லை. நல்லவற்றிலிருந்தும் மற்றவர்களுக்கு ஆதரவாக இருப்பதிலிருந்தும் நம்மை விலகி இருக்கச் செய்கிறது. ஒரு நல்ல தலைவர், ஸ்திரத்தன்மையைப் பறிப்பதும் தன்னை ஊமையாக்குவதுமான அனைத்தையும் நனவுடன் தவிர்க்கிறார். எதையாவது அல்லது யாரையாவது தற்காலிகமாகத் திருப்திப்படுத்தாமலும் பந்தம் இன்றியும் இருப்பது நாம் சுயாதீனமாகச் செயல்பட செய்கிறது, அது மற்றவர்களை விடுவிக்கவும், மகிழ்ச்சி மற்றும் அமைதியுடன் மற்றவர்களுக்குச் சேவை செய்யவும் உதவுகிறது.

துன்பக் காலங்களிலும் மகிழ்தல்:

மகிழ்ச்சியான தருணங்கள் மற்றும் புண்படுத்தும் தருணங்கள், எளிதான தருணங்கள் மற்றும் கடினமான தருணங்கள், சுவாரஸ்யமான தருணங்கள் மற்றும் சலிப்பான தருணங்களுடன் வாழ்க்கையில் எப்போதும் ஏற்றத் தாழ்வுகள் இருக்கும். எல்லாம் நிலையானதாகவும் எதிர்பார்ப்பின்படியும் இருப்பதில்லை, ஆனால், நிச்சயமாக, எல்லாம் கடந்து போகும், ஒரு காரியத்தைப் பற்றிக் கவலைப்படுவதை நிறுத்துவதன் மூலமும் கடினமாக உழைப்பதன் மூலமும் எதையாவது நிச்சயமாக மாற்றலாம். ஒரு நல்ல தலைவர் துன்பங்களை ஏற்றுக்கொண்டு அதலிருந்து கற்றுக்கொள்கிறார், அது ஏமாற்றமாகவும் சவாலாகவும் இருந்தாலும், இறுதியில் மகிழ்ச்சியை நிறைவாக்குகிறது.

வாழ்க்கையின் உன்னதமான விஷயங்களைப் பேணுதல்:

இறுதியாக, வாழ்க்கையில் உயர்ந்த தரங்களையும் மதிப்பீடுகளையும் கொண்டிருப்பது மிகவும் முக்கியம், அவை உன்னதமானவை மற்றும் நம் குணத்தை உருவாக்குபவை. சில சமயங்களில் மகிழ்ச்சியைத் திருடும் வாழ்க்கையின் வீணான ஆசைகளுக்கு ஒரு நபர் விலகி இருப்பதற்கும், வழி விலகாமல் இருப்பதற்கும் இது உதவுகிறது. ஒரு நல்ல தலைவர் எப்போதும் தான் ஒரு முன்மாதிரியாக இருக்க உதவும் சிறந்த நற்பண்புகளைக் கடைப்பிடிப்பார் மற்றும் மற்றவர்களுக்கு வாழ்க்கையின் சரியான பாதையைக் காட்டுகிறார்.

 

3. சுதந்திரத்தை உருவாக்குதல்

ஒரு நோக்கத்திற்காகச் செயல்பட சுதந்திரம் அளித்தல்:

யாரோ ஒருவரின் கட்டுப்பாடு இல்லாமல் சுதந்திரமாக இருக்க அனைவரும் விரும்புகிறார்கள், இருப்பினும் சிலர் ஒருவித வழிகாட்டுதலை எதிர்பார்க்கிறார்கள், ஆனால் கட்டுப்படுத்தபடுவதை அல்ல. ஒரு நல்ல தலைவர் மற்றவர்கள் மீது ஆதிக்கம் மற்றும் அதிகாரம் கொண்டவர் அல்ல, ஆனால் மற்றவர்களைச் சமமாகவும் முக்கியமானவர்களாகவும் கருதுகிறார், பொறுப்புகளை ஒதுக்குகிறார். மற்றும் ஒருவரின் நலனுக்காக அல்லது ஒரு நல்ல நோக்கத்திற்காக அவர்களின் நலன்களுக்கு ஏற்பச் செயல்பட உதவுகிறார். ஒரு நல்ல தலைவர் உண்மையுள்ள மற்றும் நம்பகமான பல தலைவர்களை எப்போதும் உருவாக்குகிறார்.

செயல்பாடுகளை அல்ல, தரநிலைகளை வழங்குதல்:

நன்றாகச் செயல்படும் சிலர், தங்களைப் போலவே மற்றவர்கள் செயல்படவும், தங்கள் அடிச்சுவடுகளைப் பின்பற்ற வேண்டும் என்றும் விரும்புகிறார்கள், மேலும் தங்கள் எதிர்பார்ப்புகளுக்கு ஏற்ப இல்லாதவர்களைக் கண்டால், அவர்கள் வெறுமனே வெறுப்பைக் காட்டுகிறார்கள். ஒரு நல்ல தலைவர் ஒருவரைக் குற்றஞ்சாட்ட மாட்டார், ஆனால் உண்மையான அன்புடன் மற்றவரைத் திருத்துவார், இருப்பினும் அவரது செயல்கள் கொஞ்சம் கடினமாக இருக்கலாம் மற்றும் சில நேரங்களில் அவருடைய வார்த்தைகள் சுட்டிக்காட்டுவதாகவும் இருக்கலாம். ஒரு நல்ல தலைவர் எப்பொழுதும் மற்றவர்களின் நோக்கங்களைச் சரிசெய்வதன் மூலம் தரநிலைகளை வழங்குகிறார், மற்றவர்கள் தன்னைப் பின்பற்றுவதை விரும்புவதில்லை.

பயம் அல்லது அதிகாரங்களால் சமரசம் செய்யாமல் இருத்தல்:

சுற்றி இருப்பவர்கள் அச்சுறுத்தும் போதோ விமர்சிக்கும் போதோ அல்லது உயர்ந்த  ஒரு நபர் ஏதாவது கட்டளையிடும் போதோ எதையாவது எதிர்பார்க்கும் போதோ, சில காரியங்களுக்காக நிலைநிற்பது எப்போதுமே சவாலானது மற்றும் கடினமானது. அனைவரும் எதிராக இருந்தாலும், அதிகாரங்களின் காரணமாகச் சுயநலத்தினாலோ பயத்தினாலோ அனைவரும் சமரசம் செய்தாலும், ஒரு நல்ல தலைவர் மற்றவர்களுக்கு ஏற்ற மற்றும் நன்மையான ஒன்றிற்காக உள்ளத்தில் உறுதியாக இருப்பார். ஒரு நல்ல தலைவர் தனது சொந்த வாழ்க்கையை துறந்து விலையாகச் செலுத்தவும் தயாராக இருப்பார், ஆனால் தரத்தில் ஒருபோதும் சமரசம் செய்ய மாட்டார்.

அப்படியே பின்பற்றாமல் மற்றவர்களிடமிருந்து கற்றுக்கொள்ளுதல்:

எல்லா மனிதர்களுக்கும் தனிப்பட்ட அறிவும், பொதுவான அறிவும் உண்டு. பெரும்பாலும் ஒரு நபருக்கு மாத்திரமே தெரிந்த தனிப்பட்ட அறிவு மற்றவர்களால் பயன்படுத்தப்படுவதில்லை மற்றும் அவர்களுக்குத் தேவைப்படுவதில்லை. ஆனால் சில நேரங்கள் உள்ளன, வாழ்க்கையில் ஏதாவது ஒன்றைக் கற்றுக்கொள்வதற்கும் தீர்வு காண்பதற்கும் இது குறிப்பிடத்தக்கது. ஒரு நல்ல தலைவர் ஒவ்வொருவரையும் அவர்களின் தனிப்பட்ட அறிவு மற்றும் அவர்களின் பொதுவான அறிவு ஆகியவற்றுடன் அங்கீகரிக்கிறார். ஒரு நல்ல தலைவர் ஒருபோதும் மற்றொரு நபரின் வார்த்தைகளையும் செயல்களையும் நகலெடுப்பதில்லை, ஆனால் எப்போதும் நல்ல வார்த்தைகளையும் செயல்களையும் மேற்கோள் காட்டுவார்.

செயல்பாடு:

பங்கேற்பாளர்கள் அனைவரும் 4-6 பேர் கொண்ட குழுக்களாகப் பிரிக்கப்படலாம். அவர்கள் ஒரு வட்டத்தில் நிற்க வேண்டும். ஒவ்வொரு குழுவும் 10 வினாடிகளில் கொடுக்கப்பட்ட தொடர் படிகளை முடிக்க வேண்டும். வழிநடத்துபவர் 1 என்று கூறும்போது, அவர்கள் வலது கையை வலது பக்கமாகவும், இடது கையை நேராகவும் நீட்ட வேண்டும்; 2 என்று கூறும்போது, இரு கைகளையும் மேலே நீட்ட வேண்டும்; 3 என்று கூறும்போது, வலது கையை நேராகவும் இடது கையை இடது பக்கமாகவும் நீட்ட வேண்டும்; 4 என்று சொல்லும்போது, இரண்டு கைகளும் கீழே இருக்க வேண்டும். இதை அடுத்த முறை தலை மற்றும் கால்களுடன் சேர்த்து செய்யச் சொல்லலாம்.

 

4. பொறுப்புணர்வை கட்டமைத்தல்

எஜமானின் அறிவுறுத்தல்களை நிறைவேற்றுதல்:

நாம் ஒவ்வொருவருக்கும் நமக்கு மேலே ஒருவர் இருக்கிறார், அவர் உடல் ரீதியாக நம் அருகில் இருக்கலாம் இல்லாமலும் இருக்கலாம், ஆனால் அவருடைய வழிமுறைகள் மிகவும் மதிப்புமிக்கவை மற்றும் நாம் பின்பற்றுவதற்கு தகுதியானவை. நமது வரையறுக்கப்பட்ட யோசனைக்கு அணுக முடியாததாக இருந்தாலும், உயர்ந்த மதிப்பீடுகளுடைய அறிவுரைகளை நாம் கடமையாக்கி நிறைவேற்ற வேண்டும். ஒரு நல்ல தலைவர் என்பவர் முன் இருந்து வழிநடத்துபவர் மட்டுமல்ல, தனது எஜமானர், மேற்பார்வையாளர் அல்லது வழிகாட்டியின் அறிவுறுத்தல்கள் சரியானதாகவும் மதிப்புமிக்கதாகவும் இருக்கும் போதெல்லாம் நிறைவேற்றுவார்.

சுற்றியுள்ள தேவைகளைக் கவனித்துக்கொள்ளுதல்:

சில விஷயங்களைத் திரும்பத் திரும்பச் செய்வது எளிதானது, ஏனெனில் அது நிறைய தயாராகுதல் மற்றும் திட்டமிடலை உள்ளடக்கியதாக இருக்காது, ஆனால் அது காலாவதியாகி, பொருத்தமானதாக, பொருந்தக்கூடியதாக மற்றும் அணுகக்கூடியதாக இல்லாமல் இருக்கலாம். செயல்கள் மற்றும் சிந்தனைகளுக்கான தேவைகள் மற்றும் பயன்களை ஆய்வு செய்ய ஒரு நல்ல தலைவர் எப்போதுமே பரிசீலனைக்கான நேரங்களைக் கொண்டிருப்பார். மேலும், ஒரு நல்ல தலைவர் தேவை ஏற்படும் போதெல்லாம் தொடர்ந்து மாற்றங்களைச் செய்ய நெகிழ்வானவர் மற்றும் சுற்றியுள்ள தேவைகளைக் கவனித்துக் கொள்ள முயற்சி செய்பவர்.

தொடர்ந்து நிலைத்திருப்பதற்கு  பின்தொடர்பவரை கண்டறிதல்:

பூமியின் முகத்தில் உள்ள எல்லா விஷயங்களையும், அதற்குக் காரணமானவர் இல்லாதபோது, திறம்பட கவனித்து நன்றாகப் பயன்படுத்த முடியாது. அதனால் எல்லாவற்றும் தொடரவும் நிலைத்திருக்கவும் பின்தொடர்பவர் தேவை. ஒரு நல்ல தலைவர் எப்பொழுதும் தான் ஈடுபடும் அனைத்திற்கும் பின்தொடர்பவர் ஒருவரை அடையாளம் கண்டுகொள்வார் மற்றும் சரியான நபரைச் சரியான விஷயத்திற்கு பொறுப்பாக வைப்பார். பின்தொடர்பவர் தன்னை விடத் திறமையானவராக இருக்கும்போது ஒரு தலைவர் மகிழ்ச்சி அடைகிறார்.

பணிகளைச் செய்யத் தெரிந்தவர்களுடன் அதைப் பகிர்தல்:

பன்முகத் திறமை கொண்டவர்கள் இருந்தாலும், ஒரே நேரத்தில் சில காரியங்கள் தேவைப்படும் போது ஒருவரால் எல்லாவற்றையும் செய்ய முடியாது. மேலும், எல்லாவற்றையும் செய்வது அனைவருக்கும் சாத்தியமில்லை. ஒரு நல்ல தலைவர் எப்பொழுதும் சுயத்தை அறிந்திருப்பார் மற்றும் தேவைப்படும் போதெல்லாம் ஒரு எளிய நபராயினும் அவரின் வெளிப்பாடு மற்றும் அனுபவத்தைப் பயன்படுத்த அவரது ஆதரவையும் வழிகாட்டுதலையும் வரவேற்பார். ஒரு நல்ல தலைவர் மற்றவர்களின் சிறந்த நன்மைக்காக, தகுதியானவர்களுடனும் திறமையானவர்களுடனும் பொறுப்புகளைப் பகிர்ந்து கொள்கிறார்.

 

5. உணர்வுகளின் எழுச்சியை பகிர்தல்

முக்கிய நோக்கத்தைப் பகிர்ந்து கொள்ளுதல்:

சிலர் தாங்கள் சொல்வதை மற்றவர்கள் செய்ய வேண்டும் என்று எதிர்பார்க்கிறார்கள், ஆனால் அந்த விஷயங்களைச் செய்வதன் நோக்கத்தைப் பகிர்ந்து கொள்வதில்லை அல்லது எதிர்மறையான ஒன்றை நோக்கமாகக் கொண்டிருந்து நோக்கத்தை நேர்மறையாகச் சொல்வார்கள். ஆனால் ஒரு நல்ல தலைவர் மற்றவர்கள் கவனம் செலுத்தவும் அவர்கள் ஒரு பொது நன்மைக்குப் பங்களிக்கிறார்கள் என்பதில் தெளிவாக இருக்கவும் ஏதுவாகச் சிந்தனையிலும் இதயத்திலும் இருக்கும் சரியான நோக்கத்தை உண்மையாகப் பகிர்ந்து கொள்கிறார். இது சில நேரங்களில் அவர்களை சுய-உந்துதல் பெறச் செய்கிறது மற்றும் ஒரு நல்ல தலைவர் மற்றவர்கள் காரியங்களை உரிமையாக எடுத்துச் செய்வதை விரும்புகிறார்.

பின்தொடர்பவரை பயிற்றுவித்தல்:

ஒருவரை ஒழுங்குபடுத்துவதும் அவருக்குக் கற்பிப்பதும் கடினமான பணிகளில் ஒன்றாகும், அந்த நபர் நன்றாக நடந்து கொள்பவரா அல்லது விலகிச் செல்பவரா என்பதைப் பொருட்படுத்தாமல், ஒரு நபர் மற்றவர்களுக்குக் கற்பிப்பவராகுவதற்கு அறிவும் வழக்கமான தயாராகுதலும் அவசியமாக இருக்க வேண்டியவை. ஒரு நல்ல தலைவர் எப்பொழுதும் கற்றுக்கொண்டே இருப்பார், மேலும் தன்னைப் புதுப்பித்துக் கொள்கிறார், மேலும் பெறுபவர்களுக்கு விஷயங்களை மிகவும் சுவாரஸ்யமாக்க சிறந்த முயற்சி செய்கிறார், மேலும் அவர்களுக்குக் குறைந்த பட்சமாவது ஏதாவது புதிதாகக் கற்றுக்கொள்ள உதவுவதன் மூலம் அதை மிகவும் மதிப்புமிக்கதாக ஆக்குகிறார். மேலும், ஒரு நல்ல தலைவர் பின்தொடர்பவரை பயிற்றுவிக்கிறார், மேலும் அவர்கள் இருக்கும் நிலையைத் தாண்டி அவர்கள் முன்னேற விரும்புகிறார்.

பொறுப்புகளை நம்பி விட்டுவிடுதல்:

தலைமைப் பொறுப்பில் உள்ளவர்கள், தங்கள் அதிகாரம் மற்றும் கட்டுப்பாட்டை விடாதிருப்பதற்காக, தங்கள் அதிகாரத்தையும் பதவியையும், மற்றவர்களுக்கு மிக எளிதாக விட்டுக்கொடுப்பதில்லை. ஆனால் ஒரு நல்ல தலைவர் எப்பொழுதும் மற்றவர்களின் பங்களிப்பை வரவேற்று, காரியங்களைச் செய்யத் தகுதியான மற்றும் நல்ல நிபுணத்துவம் கொண்டவர்களை நம்பி ஒப்படைக்கிறார். மேலும், ஒரு நல்ல தலைவர், திறமையானவரிடம் பொறுப்புகளைக் கொடுத்துவிட்டு அதிகம் அவற்றில் தலையிடுவதில்லை, மற்றும் மற்றவர்களைக் கட்டுப்படுத்துவதையும், ஆதிக்கம் செலுத்துவதையும் அவர்களிடம்  விட்டுவிடுகிறார்.

பின்தொடர்பவரை வெற்றிபெறச் செய்தல்:

ஒரு நபர் மற்றொரு நபருக்குப் பயிற்சி அளித்து, ஏதாவது ஒன்றை நோக்கி அவர்களை ஆயத்தப்படுத்தினாலும், பயிற்சியாளர் எடுக்கும் அனைத்து முயற்சிகளையும் உள்ளடக்கிய மற்ற நபர் அதிகம் முன்னிலைப்படுத்தப்பட்டால் ஜீரணிப்பது மிகவும் கடினம். ஆனால் பின்தொடர்பவர் தன்னை விட வெற்றிகரமாக இருந்தால் ஒரு நல்ல தலைவர் பொறாமைப்பட மாட்டார், மகிழ்ச்சியாகவும் வெற்றிகரமாகவும் உணர்வார், ஏனெனில் தலைவர் தன்னை முன்னிலைப்படுத்துவதற்கு வழிகாட்டிப் பயிற்சி அளிக்காமல், பொது நலனுக்காக அதைச் செய்கிறார்.

செயல்பாடு:

பங்கேற்பாளர்கள் அனைவரும் 4-6 பேர் கொண்ட குழுக்களாகப் பிரிக்கப்படலாம். குழுக்களில் ஒருவர் தன்னார்வளராக முன்வரலாம். ஒரு குழுவில் உள்ள அனைவரும் முதுகை காண்பித்தவாறு வரிசையாக நிற்க வேண்டும், ஒரு குழுவில் உள்ள முதல் நபருக்கு ஒரு கருத்து/கோட்பாடு கூறப்படும், அவர் மற்றவர்களுக்கு அந்தச் செய்தியை அனுப்புவதற்கு முன் இருப்பவருக்கு நடித்துக் காண்பிக்க வேண்டும், பின்னர் ஒவ்வொருவரும் தங்களுக்கு முன் இருப்பவர்களுக்கு நடித்துக் காண்பிக்க வேண்டும். தகவல் இழப்பு இல்லாமல், கருத்து/கோட்பாடு எவ்வாறு ஒருவருக்கொருவர் கவனமாகக் கடத்தப்படுகிறது என்பது மதிப்பீடு செய்யப்படலாம், சிறந்த குழு வெற்றி பெற்றதாக அறிவிக்கலாம்.